“YAAD AATI HAI”,Woh bhi kya din the jab baat hoti thi tumse, Shuru hota tha tumse mera din aur khatam hoti thi shaam tumhi se

“YAAD AATI HAI”

Woh bhi kya din the jab baat hoti thi tumse,
Shuru hota tha tumse mera din aur khatam hoti thi shaam tumhi se,
Bechain ho jaaya karte the hum bohot jab hoti nahi thi mulaaqaat,
Milte toh the bohot humein par zaahir hote the jazbaat tumhi se,,

Aaj jab sochta hoon un lamhon ko toh rooh meri bezaar ho jaati hai,
Sach kehta hoon mai dil se tumhaari yaad aati hai..

Tumhaari khushi mein mai khush ho jaata tha ab bhi ho jaata hoon,
Tumhaari udaasi toh seh hi nahi pata tha ab bhi na seh paata hoon,
Ab uthta hoon tumhaari yaadon ke saath aur tumhaare dard ke saath roz mar jaata hoon,
Ab toh sote huye bhi mai tumhaare khwaabon ko saath paata hoon,,

Chaahte hai tumse bohot kuchh kehna par zubaan maano sil jaati hai,
Tasveere dekhke roz aate hai aansu aur har pal yaad aati hai..

Ishq mera sachcha tha kabhi na kabhi tumhe samajh mein aayega,
Bas afsos toh iss baat ka hai ki isme waqt bada lag jaayega,
Ab na hoga pyaar kisise bas ye dard humein tadpaayega,
Kabhi dhyaan se ye sochna tum kya koi tumhe itna chaah paayega?

Alfaazon mein chhupaata hoon aansoo kahaani har baar adhoori reh jaati hai,
Log chhodke jaate rahe humein bas unki yaadein hi reh jaati hai….

Email :[email protected]
Instagram:- Debashish Bhattacharya
YouTube:- Debashish Bhattacharya